A君:
報紙寫「近日有自由黨成員落區就政改諮詢市民，反遭市民不斷唾罵；「市民覺得我們是由24元（最低時薪）轉去20元，市民鬧得好厲害，我們都不知如何回應」。」
真係慘．．．
B君
咁你點睇?
A君:
我同意職工盟睇法
有機會令人覺得24元都差唔多
我一向都唔太信自由黨
B君:
我2004年投過一次票俾田北俊，當年少不更事，覺得佢在重要關頭(23條立法)陣前倒戈，有政治家的承擔。不過後來發現他們都係投機主義者，而且漠視基層利益的政治取向很嚴重（廿蚊張就是一例），以後唔會架啦。
A君:
個次我好似投左比律師黨
B君:
咁你做得好過我。
你對23條立法有認識嗎?
A君:
no la
個時仲有睇報紙既習慣
只係知好似可以隨時入屋搜野?
B君:
係一條超級惡法。
簡單講，我們現在的討論，律政司都有可能能夠以"煽動國家分裂罪"告我地。
係將當權者公器私用合理化的法例。
A君:
即係變左大陸
B君:
correct。
A君:
咁我咪大鑊??
以後無google用
B君:
北京就係想香港用中國的標準來管治。
不過，2011年政府可能又會再拎佢去立法會，到時9成9會通過。
A君:
唔係嘛．．．
B君:
係真架。
呢條法例，是循普通法例的門檻通過，即是全會有三十票通過就得，情形就好似高鐵，強拍條例一樣。
上次23條不能立法也不是因政府唔夠票，而係政府怕上街的人民，主動收回咋。
A君:
o．．．
咁無lu。。
咁好睇民主黨會點做
佢佔好多席位
B君:
民主黨係無力回天的。23(泛民)票對37票，會輸的。
所以，公民社會真係要盡快確立，人民要知道自己的處境，五區公投就係做呢件事。"公投"，意思是公民投票，用最現代化的方法量化人民意願。
反轉說，你就會明點解北京咁唔高興:依家佢想點都得，點解要俾你地人民出聲?
A君:
yes la。。佢係既得利益者。。
A君
因為民建聯佔左多數?
B君:
係呀，民建聯+功能組別。
所以其實香港市民今日的處境，係好大鑊，再唔行出來出聲(投票係起碼)，政府攪掂左23條後，以後都唔駛架啦。
A君:
功能組別都唔係個個民建聯喎?
張宇人呢d應該投反對?
B君:
NO，佢地一定絕對會聽北京話。
A君
點解佢地會投讚成?
B君:
因為絶大部分的功能組別都是代表利益團體，今天他們的個人和界別利益，都維繫於北京，所以一定會聽話。民建聯尚且有民選議員，所以要扮下野，但功能組別只為少數人服務，有不少界別更是零票當選，所以他們客觀上根本不須理會人民意願，只是以此來向中共找好處。
所以議會會有張宇人之流，夠膽講埋d唔係人講的說話。
A君:
但佢地都有所屬政黨??
B君:
唔係，好多都無政黨，他們為何需要?好似李國寶，代表banker+capitalist，他們根本有辦法直達北京，何必要加入政黨受黨綱限制?
A君:
原來係咁。。
B君:
今日的代議士，根本代表不了人民，但卻為人民決策，那麼決策當然也不是為人民。
所以社民連的各種"掃場"行為，就是要人們看到議會可惡的一面，不讓他們扮嚴肅公平，欺騙人民。
只可惜還是很多人不明白。
A君:
hk人都唔太關心政治
B君:
所以話香港人蠢。被人昆再咁耐都唔反抗。
A君:
我覺得至少都要投票．．．
B君:
係lor，但係真係已經係最低限度了。還有一班人肯付出咁多(我講公社聯盟)，日日被人剷，無左一百萬人工，辛苦到死，頂住中共國家機器的在明在暗的打壓，去幫大家爭取一個投票機會，人們竟然還不懂珍惜，太離譜了。
A君:
100萬??
B君:
係呀．．．議員四個月人工，(七萬元一個月)，15%約滿酬金(五十幾萬)。加埋d福利，差不多百多萬。
呢d係resign一刻已經註定失去，還未計靠議員辦公室津貼(13萬一個月)出糧的一班議員助理(也是resign一刻已經註定失去)，補選時可能會用的錢，和可能因落選而失去20多個月的人工．．．
他們真的犧牲好大．．．如果用政黨做單位，公民黨兩個議員resign，有三個仍留在議會，但主事組織社民連的三個議員卻是全部resign，如果最差全皆敗選，社民連潛在總損失為(7萬+13萬)x20個月x3人=1200萬!!（仍然未計公投宣傳要使的錢）
真係會亡黨的，你話犧牲大唔大。
A君:
1200．．．
好難想像
B君:
呢d野，又係唔係好多人知，但佢地都唔多提，因為一不是重點，二是多提會招人口實。
但他們真的值得我們尊敬的，你說是不是?
A君:
呢個我又唔敢講
始終我唔知用咁既方法去爭取係咪正確
不過我好佩服可以唔要1200萬。。
B君:
係，你啱，但其心始終依然值得佩服。
相比功能組別"議員"，那些人根本不配稱為"議員"。
A君:
功能界別only會瞓覺．．．
B君:
公社兩黨肯冒失2000萬的險去讓人向政府和北京發一次聲，作為受眾又怎可只是坐享其成?
